ratuj

Лета, як лета.

Злавіў камара, пяшчотна прыдушыў і спрабаваў укусіць сябе ім. Нічога не выйшла. Хабаток быў падатлівым і ня мог пратыкнуць скуру.
ratuj

newstitles' poetry

«Коалиция вновь бомбит резиденцию Каддафи» — вось сапраўдная паэзія сучаснасці, найноўшы рамантызм. Бенгазійскі фантан. Крылатая ракета з ухілам у арыенталістыку.

ratuj

Как закалялась сталь

Раптам адна з маіх прастранных мараў, набор думак перад сном, каб засынаць лягчей, перарасла ў цалкам адчуальную ідэю, якую можна рэалізаваць, прадаць, смела агучыць, растыражыць, любіць. Раней такіх ідэяў, каб сапраўды можна было палюбіць, неяк не было. Былі проста слабадасягальныя мары, якія лёгка і прыемна развіваць у думках, але якія патрабуюць занадта вялікіх выдаткаў або проста з'яўляюцца нерэальнымі праз час, месца, надвор'е, узрост, сацыяльны стан і прэзідэнта. Для гэтай жа патаемнай ідэі, канечне, яшчэ спатрэбіцца час і пэўныя прасторавыя камбінацыі, але сёння я буду спаць спакойна, бо ўпершыню так яўна адчуў сябе стваральнікам інтэлектуальнай маёмасці.
ratuj

the stupidest poem ever written about bad teeth

Роўна за імгненне да цэлага супадзення абставінаў, сярод якіх быў непрыемны тэлефонны званок, візгат тралейбуса за вакном і падзенне акуляраў са століка, я прысніў, як скачу на адной назе ў запаволеным рэжыме bullet-time да крамы "За курганам", каб купіць лаваш, ёгурт з ружовай накрыўкай, пачак сцікераў эўра 96', касету групы "Браво" і газету "Імя".
У самым салодкім сэнсе тады, гэтыя рэчы - увасабленне сямейнага шчасця і спакою, што складваецца раптам пасля таго, як мне вырываюць хворы зуб з мыш'яком.
ratuj

февраль! достать чернил и плакать! писать о феврале навзрыд!

Люты для мяне знакавы месяц. Я заўсёды ў ім у роспачы, ня ведаю куды сябе падзець, не магу жыць як пан і прывязваюся да рэчаў, шукаючы ў іх паратунку. Як складзецца люты, так і складзецца ўвесь наступны год, - падказаў мне жыццёвы досвед і схільнасць да забабонаў, нумералогіі ды побытавага фаталізму.
Кожны люты аднолькавы тым, што ў ім я наўзрыд захапляюся нейкім чалавекам і нейкай штукай. У мінулым годзе я захапляўся кнігай "Доктар Жывага", серыялам "Школа", еў памэло і гуляў ночы напралёт у зубадрабіцельную цацку Planescape: Torment, абсмактваючы там кожны дыялёг і ўсялякую ноту.
У гэтым лютым новыя атрыбуты для старой формулы. Я чытаю "Бесаў" перад сном па раздзеле, намазваю на хлеб сыр філадэльфія, падарожнічаю па горадзе на таксі 7788, хаджу гуляць у футбол на манеж і гляджу серыял "Рэальныя пацаны". Абалдзенны серыял. Неверагодна трогацельны і сапраўдны. Можа стацца так, што я буду глядзець яго ўсе ночы аж да мая.
ratuj

emile michel cioran

Каб авалодаць сабой, мне спатрэбілася б некалькі стагоддзяў англійскага выхавання, а я - выхадзец з краёў, дзе на пахаваннях выюць...

У гэтым годзе спаўняецца 100 год, як у аўстра-венгерскіх Карпатах нарадзіўся загадкавы румынска-французскі філосаф Эміль Чоран.
ratuj

(no subject)

А тым часам звычайна злобны Луркмор знянацку пачынае слаць промні дабрыні ў адрас нашай утульненькай цацкі. Read moar.